((سرطان البنكريـــاس))

الله يكرمكوا كنت عاوز اعرف هل هذا هو الدواء الذى بأمر الله اذا اعطيت والدتى منها ان شاء الله تتعافى من سرطان البنكرياس ارجو الافادة وجزاكم الله خيرا

دلوقتى حضرتك امى عملت عدت تحاليل واشعات وطلع عندها ورم فى راس البنكرياس ومعظم الجراحين قالو انه ورم خبيث ومينفعش تعمل عملية بس فيه دكتور كان قال انه ورم حميد والدليل ان لما عملنا تحليل دلائل اورام ca 19-9 طالع 216 ودلائل cea طالع طبيعى وخدنا عينة من الورم بتقول انه ورم حميد بس الغريب ان معظم الدكاتره قالو خبيث والحاجات ده كلها ممكن متبقاش كفاية عشان تبين انه ورم خبيث واخر دكتور رحناله قال ده كده مش هتعيش كتير وان الحالة متأخره هيه بيجيلها مغص بس كل فتره جامده يعنى مش على طول ياريت تقولى رايك وانا كده كده هتصل بيهم اليوم ان شاء الله تعالى

هل شرط ان دلائل ca19.9 تكون عاليه علشان نقول انه ورم خبيث وللا مش شرط وايه الحاجات اللى تجزملى انه ورم خبيث جزاك الله خيرا عن ردك على

انهارده وانا نازل الصبح قالتلى انى حاسه بوجه فى عظم الصدر وكان الامس عظم الجنبين كيف لى ان اتبين انه فى اى مرحله هل عن طريق مسح ذرى وللا ايه ؟
الحاجة الثانيه ان فيه دتور بيقولى ده لو ورم خبيث النسبه توصل ل700 و1000 وانت طالع وقاللى ان ده ممكن يكون بسبب الاتهاب اللى فى راس البنكرياس عشان هيه عملت دعامة قبل كده واتسددت وعملنا دعامه تانيه فممكن يكون على النسبه ارجو الافادة وعاوز افهم هوه ايه ca19.9 وجزاك الله خيرا

محدش بيرد بردو هيه عملت الدعامه لان كان عندها الصفرا وعليت جامد لدرجة ان البليروبن وصل التوتال ل26 والديركت 21 وعملنا دعامه الاولانيه اتسدت والثانيه الحمد لله اشتغلت ونزلت البليروبن الى 6 التوتال والديركت 5 تقريبا وكان سبب الصفراء انسداد القنوات المرارية نتيجة الورم الموجود فى رس البنكرياس

معلش اشوف حاجة فى الكبد او الكلى ازاى احلل وظائف كلى وكبد يعنى وللا ايه بس كان عندى ملحوظة اننا لما وديناها اول مره للدكتور لما بدأت علامات الاصفرار فى الوجه والعينين كنا عاملين دلائل اورام بس كانت النسبة 77 وبعد كده عملناها وصلت ل164 وبعد كده 216 واخر حاجة 211 تحليل الانسجة مكتوب نيجتف فور كانسر وكان فيه واحده من اهل الخير قالتلنا ان فيه وصفه تقريبا من ( ارندا واقرطيون وحمض صغير وكذا حاجة كده بس مش فاكرها وقالتلى روح لحراز عشان تشتريهم وبتحلف ان ناس قدامها وشفى تماما وقالتلنا ان الاعشاب ده متضرش خالص

بصراحة انا عملت لامى تحليل الصفراء ودلائل الاورام ca19.9 ودلائل اورام cea ولقيت الصفراء نزلت بالتدريج بالنسبة للبليروبين الديركت من 26 الى 16 الى 6 الى اخر حاجة جبتها امبارح 4.50 والبليروبين التوتال بردو نزل لغاية 4.43 وبالنسبة لدلائل الاورام نزلت من 216 الى 211 واخر حاجة امبارح لغاية 203 طبعا كنت قلت لحضرتك ان والدتى عملت مرتين عملية تركيب دعامه ياريت حضرتك تفدنى هل معنى ذلك ان فيه امل بأمر الله انه يكون حميد او يكون التهاب مثلا فى راس البنكرياس انا باستخدم عسل السدر مره الصبح على الريق ومره قبل متنام وعليه كل مره 3 نقط زيت حبة البركه بصراحة ده اللى مخلينى مأخر حكاية العلاج بالاعشاب على اساس ان الحالة بتتحسن وان كان التحسن بطئ بس اهى النسب بتنزل اما لا قدر الله بدأت النسبة تزيد على طول هبدأ اجراءات العلاج بالاعشاب ياريت حضرتك تفدنى وشكرا جزيلا لك وجزاك الله عنا كل خير

نسيت ابلغ حضرتك ان دلائل الاورام ال cea طالعه فى الرينج الطبيعى 0.08 وده نسبه مطمأنه شوية